| क्रमांक | इरादापत्रासाठी अर्ज भरताना खालील कागदपत्रे आवश्यक आहेत (उच्च व तंत्र शिक्षण विभाग , शासन निर्णय क्रमांक: मान्यता-२०२५/ई-८४०७८३/ मशि-४, दिनांक १८ सप्टेंबर, २०२५ नुसार) |
|---|---|
| १. | नवीन महाविद्यालयाकरिता संस्थेने अर्ज करण्यासाठी प्राधिकृत केल्याबाबतचे प्रमाणपत्र. ( विहित नमुना Downlaod ) |
| २. | संस्था नोंदणी प्रमाणपत्राची साक्षांकित प्रत.(मुंबई सार्वजनिक विश्वस्थ व्यवस्था अधिनियम १९५०, संस्था नोंदणी अधिनियम १८६०, कंपनी अधिनियम, १९५६, कंपनी अधिनियम २०१३) |
| ३. | संस्थेच्या संविधानात शैक्षणिक बाबीसंबंधी नमूद तरतुदीबाबतची कागदपत्रे. |
| ४. | नवीन महाविद्यालय सुरु करण्यासाठी इरादापत्र मागणाऱ्या संस्थेच्या सद्यस्थितीत अस्तित्वात असणारी महाविद्यालये मूल्यांकन/ पूनर्मूल्यांकनाकरिता पात्र असल्यास नॅक/ एनबीए मानांकन व मूल्यांकन, पूनर्मूल्यांकन करुन घेतले असल्याचे प्रमाणपत्र. |
| ५. | नवीन महाविद्यालय सुरु करण्यासंबंधी संस्थेच्या ठरावाची प्रत. |
| ६. | संस्थेच्या चालू वर्षाच्या तपशीलवार अंदाजपत्रकाची साक्षांकित प्रत. |
| ७. | संस्थेच्या मागील पाच वर्षाच्या लेखापरीक्षण अहवालाच्या सनदी लेखापाल (Charted Accountant) यांनी प्रमाणित केलेल्या प्रती. |
| ८. | संस्थेचे आर्थिक व्यवहार राष्ट्रीयकृत / शेड्युल बँकेमार्फत केले जात असल्याचे कागदपत्र. (संस्थेचे नाव ,बँकेचे नाव व बँकेचा IFSC CODE दर्शवणारे कागदपत्र उदा. बँक बॅलन्स स्टेटमेंट, पासबुक चे प्रथम पृष्ठ व अंतिम पृष्ठ) |
| ९. |
प्रस्ताव ज्या शैक्षणिक वर्षासाठी दाखल केला आहे त्या शैक्षणिक वर्षापासून पुढीलप्रमाणे किमान 5 वर्ष, किमान मुदत ठेवची (Fix Deposit) प्रमाणित प्रत व संयुक्त आश्वासन पत्र (विहित नमुना Download) अ) विधी महाविद्यालय : रु. 15 लाख ब) पारंपरिक महाविद्यालय रु . 7 लाख (उदा. कला ,विज्ञान, वाणिज्य इ.) |
| १०. | शासनाचे कायम विना अनुदानित धोरण लक्षात घेता, मंजुर करण्यात येणाऱ्या नवीन महाविद्यालयासाठी देण्यात येणारे इरादापत्र हे कायम विनाअनुदानित तत्त्वावरील महाविद्यालसाठी मान्य असल्याबाबतचे रु. ५०० /- च्या स्टॅम्प पेपरवर नोंदणीकृत हमीपत्र. (विहित नमुना Download) |
| ११. | संस्थेचे सद्यस्थितीत कनिष्ठ महाविद्यालय/शाळा अस्तित्वात असेल तर, कनिष्ठ महाविद्यालय/शाळेच्या अस्तित्वात असलेल्या इमारतीचा वापर प्रस्तावित वरिष्ठ महाविद्यालयासाठी केला जाणार नाही, असे हमीपत्र. ( विहित नमुना Download ) |
| १२. | संस्थेच्या एकाच शैक्षणिक संकुलामध्ये नवीन प्रस्तावित वरिष्ठ महाविद्यालय व कनिष्ठ महाविद्यालय/शाळा असेल तर त्याच शैक्षणिक संकुलामधील कनिष्ठ महाविद्यालय/शाळा/अन्य वरिष्ठ महाविद्यालय यांकरिता विहित राखीव क्षेत्रफळ असलेबाबतची माहिती. |
| १३. |
अ) "अ", "ब" आणि "क" वर्ग महानगरपालिका क्षेत्रामध्ये १/२ एकर जागा संस्थेच्या नावावर असलेल्या कागदपत्रांची प्रमाणित प्रत. ब) "अ", "ब" आणि "क" वर्ग महानगरपालिका क्षेत्रापासून ५ कि.मी. परिसरात किमान १ एकर जागा. क) "ड" वर्ग महापालिका व नगरपालिका क्षेत्रात किमान १ एकर जागा संस्थेच्या नावावर असलेल्या सरकारी कागदपत्रांची प्रमाणित प्रत. ड) "ड" वर्ग महापालिका व नगरपालिका क्षेत्रापासून ५ कि.मी. परिसरात किमान २ एकर जागा. इ) उर्वरित सर्व क्षेत्रांसाठी किमान ३ एकर जागा संस्थेच्या नावावर असलेल्या सरकारी कागदपत्रांची प्रमाणित प्रत. (प्रस्ताव दाखल केल्यापासून पुढील किमान ०५ वर्षांसाठी भाडेकरारनामा)अ) "अ", "ब" आणि "क" वर्ग महानगरपालिका क्षेत्रामध्ये १/२ एकर जागा संस्थेच्या नावे भाडेतत्वावर घेतलेल्या "नोंदणीकृत कराराची" प्रत. ब) "अ", "ब" आणि "क" वर्ग महानगरपालिका क्षेत्रापासून ५ कि.मी. परिसरात किमान १ एकर जागा संस्थेच्या नावे भाडेतत्वावर घेतलेल्या "नोंदणीकृत कराराची" प्रत. क) "ड" वर्ग महापालिका व नगरपालिका क्षेत्रात किमान १ एकर जागा संस्थेच्या नावे भाडेतत्वावर घेतलेल्या "नोंदणीकृत कराराची" प्रत. ड) "ड" वर्ग महापालिका व नगरपालिका क्षेत्रापासून ५ कि.मी. परिसरात किमान २ एकर जागा संस्थेच्या नावे भाडेतत्वावर घेतलेल्या "नोंदणीकृत कराराची" प्रत. इ) उर्वरित सर्व क्षेत्रांसाठी किमान ३ एकर जागा संस्थेच्या नावे भाडेतत्वावर घेतलेल्या "नोंदणीकृत कराराची" प्रत. उपरोक्त "अ","ब","क", "ड","इ" मधील नोंदणीकृत कराराच्या अनुषंगाने भाडेकरारातील जमीन ही भाडेकरार करणाऱ्या जमीन मालकाच्या नावावर असल्याचे प्रमाणित कागदपत्र उदा. गाव नमुना नं. ७/१२ अथवा मालमत्ता पत्रक |
| १४. | प्रस्तावित महाविद्यालयांसाठी वास्तुशास्त्रज्ञाकडून इमारतीचा तयार करुन घेतलेला व त्याने प्रमाणित केलेला नकाशा. |
| १५. | इरादापत्राकरीता दर्शविलेल्या जागेसंदर्भात तसेच अन्य कोणत्याही प्रकरणी संस्थेमध्ये अंतर्गत व बाह्य कसल्याही प्रकारचा वाद-विवाद, भांडण-तंटे, तक्रारी व न्यायालयीन प्रकरणे सद्यस्थितीत चालू किंवा प्रलंबित नसल्याबाबतचे संस्थेचे हमीपत्र. ( विहित नमुना Download ) |
| १६. | इरादापत्र ज्या अटी व शर्तीच्या अधिन राहून देण्यात येणार आहे त्या अटी व शर्तीची पूर्तता निकटतम पुढील वर्षाच्या ३१ जानेवारीपर्यंत करण्यात येईल आणि जर अशा अटी व शर्तीची पूर्तता ३१ जानेवारीपर्यंत झाली नाही तर इरादापत्र व्यपगत होईल याची पूर्वकल्पना असल्याचे संस्थेचे हमीपत्र ( विहित नमुना Download ) |
| १७. | संस्थेचा शिक्षण क्षेत्रातील पूर्वानुभव, संस्थेचे शैक्षणिक व सामाजिक क्षेत्रातील योगदान, विविध शैक्षणिक प्रकल्पांबाबतची माहिती आणि काही ठळक विशेष संपादणूक असल्यास, त्याबाबची कागदपत्रे |
| १८. | प्रस्तावित महाविद्यालयाबाबतचा किमान पाच वर्ष कालावधीचा सविस्तर प्रकल्प अहवाल. |
| १९. |
नवीन महाविद्यालय सुरु करण्यासाठी अर्जदार संस्थेच्या सद्यस्थितीत अस्तित्वात असणाऱ्या महाविद्यालयामध्ये विद्यापीठ अनुदान आयोग तसेच, शासनाने विहित केलेल्या निकषानुसार अ ) मूलभूत व भौतिक सुविधा उपलब्ध आहेत ब ) अर्हताधारक शिक्षक व शिक्षकेतर कर्मचारी उपलब्ध आहेत याबाबत संस्थेचे संबंधित अकृषी विद्यापीठाचे प्रमाणपत्र. |
| २०. | विद्यापीठाकडे आवेदन शुल्काचा भरणा केल्याबाबतची पावती व तपशील |
| क्रमांक | अर्ज भरण्याच्या सूचना |
|---|---|
| १. | कृपया तारांकित (*) असलेला सर्व अनिवार्य तपशील भरा. |
| २. | अपलोड करण्याची फाईल ही pdf फॉरमॅट मध्ये असावी आणि फाईल size ही 20 mb पेक्षा कमी असावी. |
| ३. | संस्थेने द्यावयाचे सर्व हमीपत्र,साक्षांकित प्रती/कागदपत्र हे संस्थेचे अध्यक्ष व सचिव यांच्या स्वाक्षरीने देण्यात यावेत. |
| ४. | File Choose केल्यानंतर बटन दाबून अपलोड करावी. |
| ५. | अर्जाचा फॉर्म वेगवेगळ्या Section मध्ये विभागलेला आहे. (उदा. अर्जदार संस्थेचा तपशील, प्रस्तावित महाविद्यालयाचा तपशील, संस्थेची इतर माहिती, संस्थेच्या महाविद्यालयाची माहिती, इत्यादी.) |
| ६. | एक Section भरल्यानंतर, कृपया बटणावर क्लिक करा. |
| ७. | एका संस्थेस एका पेक्षा अधिक अर्ज करावयाचे असतील तर प्रत्येक नवीन अर्ज करण्याकरीता "नवीन महाविद्यालय अर्ज" येथे जाणे आवश्यक आहे. |
| ८. | अर्ज करताना पारंपरिक/ विधी महाविद्यालयासाठी वेगळा अर्ज करावा. |
| ९. | जर एखादी व्यक्ती विशिष्ट Section (उदा. अर्जदार संस्थेचा तपशील किंवा इतर) भरल्यानंतर लॉग आऊट झाली, तर त्या व्यक्तीने उर्वरित अर्ज भरण्यासाठी "दाखल प्रस्तावांची यादी" येथे जाणे आवश्यक आहे. |
| १०. | आवेदन शुल्काबाबत विद्यापीठाशी संपर्क साधावा. त्यानुसार सदर आवेदन शुल्काचा विद्यापीठाकडे भरणा केल्याबाबतची पावती प्रणालीवर अपलोड करावी. आवेदन शुल्क भरल्यानंतरच अर्ज ग्राह्य धरला जाईल. |